"Туган телем - иркә гөлем" әдәби-музыкаль кунакханә "Адымнар " татар мәдәнияте клубында
- 08 февраля 2021
4 нче февраль көнне "Адымнар " татар мәдәнияте клубы, Татарстанда туган телләр һәм халыклар бердәмлеге, Зәебездә туган як елы кысаларында " Туган телем - иркә гөлем" исемле әдәби-музыкаль кунакханә үткәрде.
Кичәдә шәһәр һәм районыбызда яшәүче халыкларның җырлары яңгырады. “Адымнар” клубына йөрүче егет –кызлар шәһәребез һәм районыбызда яшәүче төрле милләт халыкларының җырларын тыңлады һәм кайберләрен үзләре дә башкарды.
Туган телләр һәм халыклар бердәмлеге елы исеме астында чаралар “Адымнар” татар мәдәнияте клубында ел башыннан ук башланып китте. Социаль челтәрләрдә җирле шагыйрьләр белән очрашулар оештырылды. Бик күп санда тамашачылардан рәхмәт сүзләре килеп иреште.
Кичә барышында “Адымнар” татар мәдәнияте клубы егет – кызлары тиздән “Энергетик” мәдәният сараенда узачак “Туган җирем – Татарстан, туган телем – татар теле” дип аталган район һәм шәһәр күләм бәйге хакында да фикер алышты. Татар телендә җыр һәм шигырь бәйгесе үткәрелү безнең мәдәният сарае өчен яңалык. Райондашлар һәм шәһәрдәшләр әлеге бәйгене кулдан ычкындырмас дип ышанып калабыз, диләр алар.
