"Туган җирем -Татарстан",туган телем - татар теле" конкурсы
- 10 марта 2021
26 нчы февраль көнне, "Энергетик" мәдәният сараенда "Туган җирем -Татарстан",туган телем - татар теле" конкурсы үтте. Әлеге конкурсны “Адымнар” татар мәдәнияте клубы җитәкчесе Фанур Миникаев оештырды.
Конкурсның максатлары һәм бурычлары булып - татар әдәбиятына мәхәббәт тәрбияләү; Татарстан шагыйрьләренең иҗатын популярлаштыру, татар халык җырларын һәм татар композиторларының әсәрләрен пропагандалау,яшьләрне милли мәдәни хәзинәләргә җәлеп итү, талантлы яшь башкаручыларны ачыклау һәм аларга ярдәм итү, аларның иҗади потенциалын үстерү, татар халык һәм профессиональ музыкасын, шул исәптән массакүләм мәгълүмат чараларында тарату һәм пропагандалау; татар халык җырларын һәм татар композиторларының әсәрләрен иң яхшы башкаручыларны ачыклау; яшьләрнең иҗади сәләтләрен тормышка ашыруда ярдәм итү, торды.
Җиңүчеләр һәм призерлар һәр яшь категориясендә билгеләнде, ә конкурс исә алты категориядә үтте. Бәйгедә өч яшьтән җитмеш яшькәчә кызлар-егетләр катнашты һәм тиешле дәрәҗәдәге дипломнар, ә катнашучылар Рәхмәт хатлары белән бүләкләнде. Бәйге югары дәрәҗәдә оештырылган иде. Бәйгедә катнашучылар оештыру һәм үткәрү дәрәҗәсеннән кәнәгать калды. Бәйге җиңүчеләре булып балалар арасыннан- Камилә Гиниятуллина,Рания Халимова, Элина Трофимова,Айбулат Хәбриев,Азалия Хәйруллина,Әминә Хөснетдинова, Рената Вәлиәхмәтова,Ләйсән Юнысоваларга тиңнәр булмады. Гүзәлия Гатина. Нәкыя Дәүләтшина, Фәймә Сизова, Лилия Нәфыйковалар бәйгенең иң тәҗрибәле катнашучылары иде. Хөкемдарлар барысын да I дәрәҗәгә лаеклы дип тапты.
