Вечер поэзии ко дню рождения Г.Тукая
- 17 ноября 2021
Бүген – бөек Тукаебызның туган көне! Халкын хөрмәт иткән, телен яраткан һәм аның белән горурланган һәр татар кешесе өчен зур бәйрәм ул.
Аның тууына 135 ел. Әлеге уңайдан “Энергетик” мәдәният сараеның “Адымнар” татар мәдәнияте клубы бөек татар шагыйре Габдулла Тукайның туган көнен билгеләп үтте. Клуб әгъзалары Фәния Әгъзәмова, Гөлшат Әгъзәмова, Тәслимә Гәрәева, Фәимә Сизова шагыйрьнең шигырьләрен укыдылар, Тукаебыз сүзләренә иҗат ителгән җырларны башкардылар.
Кичәне клуб җитәкчесе Фәннур Миникаев алып барды. Кичәдә "Карусель" чүлмәк ясау остаханәсе күргәзмә оештырды. Күргәзмәнең җитәкчесе - Лилия Кузьмина.