Тәрбиячеләр көне

02 декабря 2021

27 нче сентябрь көнне «Энергетик» мәдәният сараеның “Адымнар” татар мәдәнияте клубы, шәһәребезнең “Кояшкай”(«Солнышко») балалар бакчасына барып, тәрбиячеләрне, балалар бакчасы хезмәткәрләрен һөнәри бәйрәмнәре белән тәбрик итте.

Хөрмәтле тәрбиячеләр һәм мәктәпкәчә белем бирү учреждениеләрендә эшләүчеләр! Сезне Россиядә 27 нче сентябрьдә билгеләп үтелә торган һөнәри бәйрәмегез белән котлыйбыз. Бүген Россиядә милләтара бәйрәм - тәрбиячеләр көне. Ул 2004 елдан бирле үткәрелә.

"Баланың кечкенә чагы аның дөньяны танып-белүе, шәхес буларак формалашуы өчен аеруча мөһим чор. Аның балачагының имин һәм куанычлы булуы, киләчәктә тормышта нинди юл сайлавы нәкъ менә сездән, сезнең зирәклектән, сабырлыктан, һәр сабыйның эчке дөньясын аңлый белүегездән тора. Шушындый изге хезмәтегездә бетмәс-төкәнмәс энергия, эшләрегезнең уңышлы баруын, үзегезнең һәм якыннарыгызның сау-сәламәт булуын телибез",- диде Адымнар клубы үзләренең тәбрикләвендә.

Пешекчеләр, кече тәрбиячеләр, җыештыручы һәм каравылчылар да балаларның иминлеген, сәламәтлеген кайгырта, белем һәм тәрбия бирү процессында үзләреннән зур өлеш кертә.
Районыбызда балалар бакчаларына йөрергә теләк белдергән барлык балалар өчен дә мондый мөмкинлекләр тудырылган.